LSI është një forcë politike që ka bërë koalicion qeverisës edhe me Partinë Socialiste edhe me Partinë Demokratike. Por LSI ka bërë koalicion në opozitë edhe me PS edhe me PD. Në këto koalicione me cilin lider ajo ka funksionuar dhe kë vlerëson më shumë? Ish-deputetja Kejdi Mehmetaj e përjashton vlerësimin për Edi Ramën si kryeatar i PS. Por e veçanta është se ajo nuk nxitohet dhe nuk jep një përcaktim pozitiv për Lulzim Bashën. Gjatë emisonit “HARD TALK NGA ROLAND QAFOKU” Mehmetaj tha se Lulzim Basha ende nuk është provuar në pushtet dhe nuk mund të japë një përcaktim definitiv.
-Si do e përcaktojë LSI fituesin në zgjedhjet e 25 prillit? Si i keni ju kalkulimet tuaja?
-Unë mendoj që sa më shumë kohë të kalojë, aq më tepër Shqipëria do largohet nga të pasurit e një skene politike me dy aktorë kryesorë. Do ulet pasha e dy partive të mëdha duke marrë rëndësi edhe partitë e tjera ku padyshim ndër to shansin më të madh e ka LSI e cila nga zgjedhjet në zgjedhje ka treguar një rritje të qëndrueshme por edhe domethënëse.
-Nuk duket sikur PD ju do shumë.
-Ne me PD bashkëpunojmë dhe kemi një komunikim shumë të mirë. Besoj po punpjmë bashkarisht për tu future me strategjinë e duhur në zgjedhjet e ardhshme dhe mbi të gjithë për të qenë fitues së bashku në zgjedhjet e ardhshme. Mendoj se LSI i ka të gjitha premisat që në këto zgjedhje të jetë një parti kryesore dhe unë pres një rezultat shumë të mirë./Fjala.al/Ke.Ba
