Ekzistojnë dy lëngje natyrale të cilat iu vijnë në ndihmë për të rregulluar nivelin e sheqerit në gjak, të cilat ua sjellim më poshtë për t’iu ardhur në ndihmë bashkë me mënyrën se si duhet ti përgatisni.
Lëng i fruluar me spinaq dhe kastravec– Ky smoothie është i pasur me antioksidantë dhe fibra dhe një nga aleatët më të mirë për të reduktuar nivelin e lartë të sheqerit, por edhe për të ndihmuar ata që vuajnë nga tensioni i lartë. Marrja e këtij lëngu, stimulon eliminimin e toksinave nga trupi.
Për përgatitjen e tij iu duhet gjysmë kastraveci, 6 gjethe spinaq, një mollë jeshile dhe një gotë ujë. Pasi të keni grirë përbërësit hidhini në frulator, duke shtuar gotën e ujit. Përziejini deri sa të krijohet një masë homogjene kremoze. Ky lëng natyral, këshillohet që të përdoret 2-3 herë në javë dhe do të shikoni se sheqeri në gjak, do të jetë në nivelin e duhur.
Lëng me domate, majdanoz dhe vaj ulliri- Ky lëng cilësohet si “bombë” antioksidantësh, fibrash dhe acide yndyrore të domosdoshme për të rregulluar nivelin e sheqerit në gjak.
Ju duhen tre tufa majdanoz, një mollë jeshile, gjysmë gote ujë, tre domate të pjekura dhe një lugë vaj ulliri.
Para se ti fusni në frulator të gjithë përbërësit, qëroni nga lëkura mollën dhe domatet si dhe prini në copa majdanozin. Ky lëng këshillohet që të pihet esëll tre herë në javë./Bl.Ba/Fjala.al
