Ekzekutohet një nga bashkëpunëtorët e bosit të kartelit të drogës, Joaquín ‘El Chapo’ Guzmán.
Ignacio Paez Soto, një operativ i Kartelit Sinaloa, ishte brenda automjetit të tij me gruan kur një grup personash filluan të qëllonin nga jashtë parkingut të një dyqani në Caborca, Sonora në Meksikën veriore.
Nga sulmi mbeti e plagosur gjithashtu edhe vajza e tij tetë muajshe. Dëshmitarët thanë për hetuesit se kishin parë autorët të zbrisnin me shpejtësi nga një “Jeep Cherokee” dhe mbanin në duar pushkë ushtarake. Ata qëlluan drejt Volkswagen Passat të Paez e më pas u arratisën.
Paez – i njohur si ‘El Nacho’ dhe ‘C1’ – u qëllua më shumë se 50 herë dhe u deklarua i vdekur në vendngjarje, tha policia.
Vajza e tij e vogël mori një plag në krah dhe u dërgua menjëherë në një spital nga Kryqi i Kuq, thanë autoritetet. Gruaja e tij, nuk mori lëndime, por pësoi shok.
Paez thuhet se ka mbikëqyrur operacionet e Kartelit Sinaloa në të gjithë shtetin verior të Sonora që nga viti 2002, duke përfshirë terrenin në qytetet e Sásabe, Alta, Pitiquito dhe Caborca./Bl.Ba/Fjala.al
