Kroacia u godit dje nga një tërmet i fuqishëm me magnitudë 6.3, ndërsa në shtetin ballkanik u regjistruan edhe disa tërmete sot në mëngjes.
Deri më tani janë konfirmuar shtatë viktima, teksa ekipet e kërkim-shpëtimit kanë vazhduar punën gjatë gjithë natës afër qytezës Petrinja, por nuk janë gjetur trupa të tjerë.
“Këtë mëngjes u goditëm nga tërmeti i disatë. Gjithçka që nuk ka rënë deri më tani po bie”, tha për televizioni shtetëror kryetari i Petrinjas, Darinko Dumboviq.
Një gazetare e televizionit N1 publikoi në rrjetet sociale një fotografi të një qeni që vazhdon të ruajë gërmadhat e shtëpisë në fshatin Majske Poljane, e cila është shkatërruar plotësisht nga tërmeti.
