Vladimir Zvezhda kishte shkuar mbrëmjen e djeshme bashkë me bashkëshorten e tij tek shtëpia e prindërve të saj për të festuar ndërrimin e viteve.
Ky që shihni në foto është viktima 42-vjeçari Zvezhda, i cili ndërroi jetë në spital pasi u qëllua me thikë nga kunati i tij.
Gjithçka ndodhi pas një sherri mes Klajdi Shundit dhe kunatit të tij, Vladimir Zvezhda i cili mbeti edhe viktimë e këtij konflikti.
Autori, sipas policisë e ka kryer krimin ndërsa ndodhej në gjendje të dehur. Pas sherrit në apartament, ata kanë dalë jashtë dhe në hyrje të pallatit, 34 vjeçari ka qëlluar me thikë në qafë kunatin e tij, duke i shkaktuar vdekjen e menjëhershme.
