Një aksident ka ndodhur mesditën e sotme në aksin rrugor Berat-Urë Vajgurore, në vendin e quajtur Kombinat.
Një mjet, tip ‘Mercedez Benz’ me targa AA 779 HE ka goditur nga pas mjetin, tip ‘Range Rover’, me targa AA 444 VC.
Si pasojë e goditjes së fuqishme kanë mbetur të plagosur dy shtetas, shoferi dhe pasagjeri i mjetit tip ‘Benz’, ndërkohë që dëmet materiale janë të mëdha.
Të plagosurit janë dërguar me ambulancë në Spitalin Rajonal të Beratit, ku ndodhen nën kujdesin e mjekëve jashtë rrezikut për jetën, edhe pse kanë marrë shumë goditje në pjesë të ndryshme të trupit.
Në vendngjarje kanë shkuar ekspertë të policisë rrugore, që po punojnë për këqyrjen e vendngjarjes dhe zbardhjen e shkaqeve dhe dinamikës së aksidentit./Bl.Ba/Fjala.al
