Një ekip i Organizatës Botërore të Shëndetësisë (OBSH) që do të hetonte origjinën e Covid-19 në qytetin e Wuhan i është mohuar hyrja në Kinë.
Dy anëtarë ishin nisur tashmë në udhëtimin e tyre, por njëri tani është kthyer dhe tjetri është në tranzit në një vend të tretë. OBSH tha se problemi ishte mungesa e lejeve të vizave.
Hetimi i shumëpritur u dakordua nga Pekini në dhjetor pas shumë muajsh negociatash me OBSH.
Virusi u zbulua për herë të parë në Wuhan në fund të vitit 2019, me shpërthimin fillestar të lidhur me një treg.
Shefi i OBSH-së Tedros Adhanom Ghebreyesus tha se ishte “shumë i zhgënjyer” që Kina nuk kishte përfunduar ende lejet për mbërritjet e ekipit.
OBSH ka punuar për të dërguar një ekip prej 10 ekspertësh ndërkombëtarë në Kinë me qëllim që të hetojë origjinën shtazore të pandemisë dhe saktësisht se si virusi kaloi për herë të parë tek njerëzit. Muajin e kaluar u njoftua se hetimi do të fillonte në janar të 2021./Bl.Ba./Fjala.al
