Detaje të reja janë zbardhur lidhur me ngjarjen e ndodhur mbrëmjen e së martës ku është qëlluar me armë zjarri në drejtim të një makine.
Mësohet se ngjarja ka ndodhur në lagjen “Nënë Tereza” , Lezhë ku në rrethana ende të paqarta, është qëlluar me armë zjarri në drejtim të mjetit me drejtues shtetasin Eduart Pica, 25 vjeç.
Ndër të tjera mësohet se Pica 3 vite më parë ka qenë i ndaluar për një aksident të ndodhur në Fushë Krujë ku si pasojë kanë humbur jetën 2 persona.
Ndërkohë deri më tani nuk ka asnjë informacion në lidhje me identitetin e autorit të kësaj ngjarje.
Në vendin e ngjarjes ndodhen shërbimet e Policisë dhe grupi hetimor për sqarimin e rrethanave të ngjarjes.
Nga verifikimet e bëra, rezulton se nuk ka persona të dëmtuar. Nga shërbimet e DVP Lezhë dhe Komisariatit të Policisë Lezhë janë ngritur pika kontrolli në akset rrugore dhe vijon krehja e zonës./Bl.Ba/Fjala.al
