Pritjes së strukturave të Partisë Demokratike për të mësuar emrat e drejtuesve të qarqeve, duket se po i vjen fundi.
Sot pritet të prezantohet Sekretari i Përgjithshëm, Gazment Bardhi si drejtues politik për qarkun e Elbasanit, ndërsa nënkryetari i kësaj force politike, Edi Paloka për Durrësin.
Kujtojmë se PD-ja rreth dy javë më parë emëroi Helidon Bushatin në Shkodër dhe Enkelejd Alibeajn në Fier.
Numri i drejtuesve politikë shkon në 5 po të shtojmë këtu edhe Bujar Leskajn, i prezantuar më herët si drejtues i qarkut të Vlorës. Në ditët në vijim pritet të zyrtarizohen edhe emrat e drejtuesve të 7 qarqeve të tjera të mbetura.
Kjo lëvizje shënon edhe ndezjen zyrtare të motorëve të fushatës elektorale të demokratëve për zgjedhjet e 25 prillit.
Këto vendime janë konsideruar si të vonuara nga aleatët e opozitës, pasi kundërshtari politik, Partia Socialiste i ka shpallur drejtuesit e qarqeve që në muajin shtator./Re.D/ Fjala.al
