Trajneri i Vllaznisë, Brdariç, flet para duelit me Teutën: Ta vazhdojmë aty ku e lamë

113 563 lexime

124,178FansaPëlqeje

Trajneri i Vllaznisë flet para sfidës së të premtes me ndjekësen më të afërt, Teutën. Viti i ri në Kategorinë Superiore nis të premten në mbrëmje me takimin Vllaznia-Teuta, që do të luhet në Stadiumin “Loro Boriçi” të Shkodrës.

Duke folur të enjten për mediat, trajneri i Vllaznisë, Tomas Brdariç, kërkon nga skuadra ta vijojë aty ku e la vitin e shkuar. Kryesuesja e Kategorisë Superiore, Vllaznia, e nis 2021-shin me përballjen në shtëpi me Teutën, dhe, duke folur në konferencën për shtyp, trajneri Tomas Brdariç, kërkon nga skuadra ta vijojë aty ku e la vitin e shkuar.

“E kemi filluar vitin me plotësimin e skuadrës me një sulmues të mirë si Avdijaj dhe po shohim gjithmonë përpara se ajo që ka kaluar, ka kaluar, – ka thënë ai. – Ne jemi skuadër që do të përmirësohet dhe të vazhdojë punën e përkushtimin. Duam të tregojmë paraqitje si vitin e kaluar. Jemi në një pozitë ku çdokush duhet të na kapë dhe mundë, jemi në vend të parë dhe duhet ta mbrojmë e do ta tregojmë ndaj Teutës nesër.” Skuadra durrsake është ndjekësja më e afërt e shkodranëve, por edhe e vetmja që nuk ka pësuar humbje.
Trajneri gjerman u kuqebluve beson se kjo do të ndryshojë të premten, teksa thotë: “Teuta e pamposhtur? E dimë, e kemi parë si luajnë dhe mendojmë se ne kemi shanse të mira në fushën tonë dhe duhet të bëjmë maksimumin të mundim Teutën. Ajo është një skuadër shumë e fortë, ka trajner me eksperiencë, fituese e Kupës. Mendoj se skuadra ka shumë motivim për të treguar se duam të fitojmë, do të jetë një ndeshje e fortë, duhet të jemi të fokusar dhe të uritur të fitojmë kundër Teutës.” Trajneri i Vllaznisë ka prekur edhe çështjen e merkatos.

Lexo edhe :  Myrto Uzuni bëhet baba për herë të parë, zbulon emrin e veçantë të të birit

“Dhurata në merkato? – deklaroi ai. – Kemi dhënë shumë dhurata anë këto 6 muaj. Nuk jemi me ngut të afrojmë lojtarë. Nëse gjejmë lojtarë të mirë për këtë klub, mund të bëjmë diçka. Nuk ka asnjë gjë të veçantë për të folur për momentin. Kur të kemi diçka do të flasim.” Në fakt, burime zyrtare të klubit kanë pohuar për Fjala.al se futbollisti Ibrahim Dunga është drejt largimit, teksa po shqyrtohet mundësia që ai të shitet në një klub tjetër, por nuk jepen hollësi të mëtejshme. Takimi Vllaznia-Teuta do të luhet të premten, në Stadiumin “Loro Boriçi” të Shkodrës, duke nisur nga ora 18:00.

Të fundit

Dash Shehi sfidon Ramën dhe Berishën: Ju pres në debat, hajdeni ballafaqojmë programet!

Drejtuesi i koalicionit 'Djathtas për Zhvillim', deputeti Dashamir Shehi, ka sfiduar publikisht kryeministrin Edi Rama dhe kryedemokratin Sali Berisha,...

U kujtua disa ditë me vonesë, Netanyahu shpreh ngushëllimet për vdekjen e Papa Françeskut

Kryeministri izraelit, Benjamin Netanyahu, shprehu ngushëllimet e tij për Kishën Katolike për vdekjen e Papës Françesku në një postim në rrjetin social X. “Shteti i...

“E doja djalë”- Fermeri i Ferma VIP: I thash bashkëshortes “ik tek nëna” kur lindi vajzën

Njëri nga banorët e Ferma VIP, Andrea u ka treguar konkurrentëve se nuk e ka pritur mirë ardhjen në jetë të vajzës së tij...

Tabaku me gratë e një fasonerie në Tiranë: Do jem zëri juaj për më shumë të ardhura

Kandidatja për deputete e Partisë Demokratike në listën e hapur për Tiranën, Jorida Tabaku, ka zhvilluar mëngjesin e kësaj të premteje takime me gratë...

22-vjeçarja e dehur thyen pajisjet në biznesin e tyre, babë e bir në Tiranë e rrahin

Policia e Tiranës ka referuar materialet në Prokurori për tre persona, pas një incidenti ndodhur mes një vajzë të re dhe babë e bir,...

Lajme të tjera

Web TV