Gjykata e Vlorës jep masën e sigurisë “arrest në burg” për Fatos Dushën, i arrestuar për strehimin e shtetasve sirianë në Tiranë. Mësohet se seanca është drejtuar nga gjyqtarja Herila Çela, ndërsa prokuror ishte Hyrjet Lamaj.
Ndërkohë në dëshminë e dhënë, mësohet se ai ka deklaruar se nuk ka asnjë lidhje me trafikantët.
“Nuk kam asnjë lidhje me trafikantët, ne jemi një hostel. Vijnë shtetas të huaj për 6- 7 € krevati dhe flenë. Më akuzojnë si trafikant ndërkohë që kam tre muaj pa paguar ujë e drita. Edhe 6 muaj më parë më erdhi kontroll drejtoria e policisë së Tiranës, sirianët ia dërgojnë adresën njëri-tjetrit se është lirë. S’kam asnjë dijeni për trafikun apo lidhjet, unë ushqehem më këtë punë”, është shprehur Dusha.
-Fatos Dusha, pronar i një hoteli në Tiranë, u arrestua nga policia pasi strehoi sirianët që u shpëtuan në Vlorë.
-Kujtojmë se rreth 50 klandestinë nga Lindja e Mesmme (sirianë) qëndruan mbi tre orë në det të hapur. Ata tentuan të kalonin ilegalisht kufirin me gomone.
Ndërkohë salla operative u njoftua për ndihmë pasi u kërkua ndihmë për shkak se gomonia gjendej në rrezik për tu mbytur për shkak edhe të motit të keq. Sakaq në aksionin e shpëtimit morën pjesë një mjet lundrues i Rojes Bregdetare dhe dy mjete nga Guardia di Finanza Italiane./Bl.Ba/Fjala.al
