Sporti për përpiqet t’i mbijetojë situatës së krijuar dhe rastet me “Covid-19” nuk janë kufizuar vetëm në futboll. Dy emrat e fundit që kanë rezultuar pozitivë janë tenisti Endi Mërrej dhe Sharl Lëkler. Mediat kanë raportuar se piloti i ri nga Montekarlo ka bërë tamponin dhe përgjigja ka dalë pozitive, sipas njoftimit zyrtar të skuderisë italiane të Formulës 1.
Sapo ka marrë vesh se ishte infektuar, 23-vjeçari ka njoftuar skuadrën e tij, italiane “Ferrari”-n dhe të gjithë personat me të cilët ka qenë në kontakt. Piloti ka simptoma të lehta dhe ka nisur menjëherë karantinën në shtëpinë e tij në Montekarlo. Lajmin e konfirmoi edhe vetë Lëklerku në rrjetet sociale, duke sqaruar se ka qenë në kontakt me një person që ishte pozitiv.
Lëklerku aktualisht ndodhet në izolim në shtëpinë e tij në Principatën Mesdhetare. “Ndihem mirë dhe kam vetëm disa simptoma të lehta, – ka sqaruar ai. – U jam nënshtruar kontrolleve mjekësore dhe kam zbatuar protokollin e skuadrës. Për fat të keq zbulova se kam qenë në kontakt me një person që ishte pozitiv. U vetëizolova, kontaktova me miqtë më të ngushtë, ndërsa tamponi që bëra tregoi se isha pozitiv.”
