Gjatë ditës së djeshme një ngjarje e rëndë tronditi Tiranën, teksa humbi jetën një vajzë 10-vjeçare, e cila u përplas nga një makinë. Kujtojmë se ngjarja ka ndodhur në rrugën “Njazi Meka” dhe e mitura ka ndërruar jetën në spital.
Mjeti kishte si drejtues shtetasin e identifikuar si Alban Guri, ndërsa e ndjera është identifikuar me emrin Ambra Petali. Dyshohet se shoferi i mjetit ka qenë nën ndikimin e alkoolit në momentin e ngjarjes. Ndërkohë pas humbjes se vajzës së vogël, ka reaguar i ati i së ndjerës. Përmes një postimi në Facebook, babai i 10-vjeçares, Iljaz Petali shpreh dhimbjen që ndjen, teksa shprehet se ka qenë një frymëzim për të.
