ODIHR do të vijë në Shqipëri nga data 24-29 janar për të vlerësuar masat paraprake sesi do të zhvillohen zgjedhjet.
Gjate ditëve të qëndrimit në Shqipëri, përfaqësuesit e ODIHR do të zhvillojnë takime me të gjitha partitë politike, KQZ, shoqërine civile, Ministrinë e Brendshme, Ministrinë e Jashtme dhe përfaqësues të mediave në vend.
Në përfundim të kësaj vizite, pritet të vendoset zyrtarisht nëse do të monitorohen zgjedhjet parlamentare të 25 prillit ne Shqipëri.
OSBE ka njoftuar Ministrinë e Punëve të Jashtme në Shqipëri për vizitën dhe detajet me anë të një dokumenti zyrtar.
