Një ngjarje e tmerrshme dyshohet se ka ndodhur në një fshat të Prishtinës para katër muajsh.
Një 19-vjeçare ka raportuar në Polici se është dhunuar nga katër meshkuj, dy nga të cilët i njeh.
Dyshohet se ngjarja ka ndodhur në mal, në një shtëpi të pabanuar, rrugës që çon në fshatin Koliq të Prishtinës. 19-vjeçarja ka deklaruar se është dhunuar me forcë nga katër personat e dyshuar.
Ajo ka njoftuar pas katër muajsh, pasi ka kuptuar se si pasojë e dhunimit, kishte mbetur shtatzënë. Vajza ka deklaruar për “Express” se për këtë posedon edhe raportin mjekësor.
Ndërkohë, Policia e Kosovës në raportin 24 orësh ka bërë të ditur se rasti është cilësuar si “Dhunim”.
“Dhunim. Koliq NN. Me 20.01.2021 viktima femër kosovare ka raportuar se para katër muajve është dhunuar nga katër persona të dyshuar dy nga ta i njeh. Rasti është duke u hetuar”, ka njoftuar Policia.
