Dy persona, burrë e grua kanë shpëtuar mrekullisht pasi zjarri ka përfshirë banesën e tyre.
Mësohet se ngjarja është raportuar mëngjesin e sotëm, rreth orës 09:40. Çifti i bashkëshortëve ndodheshin në banesën e tyre në lagjen “8 shkurti” në Fier, kur një qiri i ndezur i ka bënë flakën tapetit, shkruan Dosja.al.
Pas tapetit, kanë marrë flakë edhe orenditë e tjera, duke bërë që të rrzikohet jeta e bashkëshortëve që ndodheshin brenda.
Shërbimet e Policisë dhe të zjarrfikëses kanë bërë të mundur shuarjen e zjarrit, duke nxjerrë dhe çiftin nga banesa. Fatmirësisht të dy persona nuk kanë marrë asnjë plagë.
