Sot po ju shkruaj fillimisht si nënë! Letra e përzemërt e drejtoreshës së një shkolle

113 563 lexime

124,178FansaPëlqeje

Letra e një drejtuese shkolle në Lancashire, Britani. Ky shkrim nga Sarah White drejtuar prindërve, se do ta kalojnë këtë situatë së bashku, u bë hit në internet.

Letra:

Të dashur Prindër,

Sot po shkruaj së pari si nënë. Kjo javë ka qenë e vështirë. Java e tretë e izolimit dhe si prind kam ndjerë sforcim këtë javë.

Fëmijëve të mi u është caktuar një punë e madhe nga shkolla dhe unë fjalë për fjalë nuk kam mundur që t’i ndjek. Mes punës sime, detyrave të fëmijëve në shkollë dhe mbijetesës në një pandemi, me të vërtetë ndjeva sforcimin këtë javë. Jemi në një periudhë të vështirë për momentin, shëndeti ynë mendor po dëmtohet. Moti i vranët, i ftohtë dhe me shi/dëborë nuk ka ndihmuar, kështu që duhet të mbështesim njëri-tjetrin dhe ta kalojmë këtë së bashku. Ju ndoshta po mendoni se ku dua të dalë me këtë.

Epo, arsyeja ime kryesore për të shkruar është, ju lumtë për sot. Po i mbijetoni një pandemie. Cilado qofshin rrethanat tuaja personale, mendojmë se jeni duke bërë një punë të shkëlqyeshme.

Nëse fëmija juaj ka pasur shumë vakte me mikrovalë, ka qëndruar shumë vonë, ka luajtur shumë në Xbox dhe nuk ka mbaruar të gjithë detyrat e shkollës – është okej.

E dimë që nxënësit tanë janë të sigurt dhe të kujdesshëm dhe kjo është gjëja më e rëndësishme për momentin. E dimë që presim gjëra të mëdha prej tyre dhe kemi vendosur shumë detyra çdo javë. Gjithçka që kërkojmë është që të bëni më të mirën tuaj. Nëse më e mira juaj është një lexim i shpejtë 30 minutësh ose një lexim këtu e atje, është okej. Nëse doni të bëni të gjithë detyrat që kemi vendosur – edhe kjo është okej.

Lexo edhe :  Harta e divorceve në 61 bashki! Shkalla më e lartë në jug, veriu mbetet më konservator

Ju lutemi mos lejoni që detyrat e shkollës t’ju ushtrojë presion shtesë kur jeni duke u përpjekur të mbani vendet e punës, të fitoni para për të jetuar dhe t’i mbani fëmijët të sigurt. Rrethanat e të gjithëve janë shumë të ndryshme dhe e vlerësojmë atë.

Në fund, mund të jemi ‘të mbyllur’ për shumë nxënës, por jemi sërish këtu emlcionalisht për të gjitha familjet tuaja. Nëse keni nevojë për mbështetje, një bisedë, një takim virtual, jemi këtu!

Kujdesuni për veten dhe kujtoni që mendojmë se po ia dilni shumë mirë!

 

Të fundit

Lumi i Vjosës vizitohet nga turistë të huaj e vendas të pasionuar pas aventurës

Kryeministri Edi Rama ka publikuar këtë të diel pamje nga Lumi i Vjosës, i cilësuar si “lumi i fundit...

Mbyllet sezoni në Serie A/ Juve në Champions, fiton Roma , Lazio mbetet jashtë europës

U mbyll këtë të dielë Serie A. Juventus ia ka dalë që të kualifikohet në Champions League, pas fitores së vuajtur 2-3 ndaj Venezias....

Krimet në Gaza, 9 nga 10 fëmijët e doktoreshës palestineze vriten në sulmin ajror

Dr. Alaa al-Najjar i la dhjetë fëmijët e saj në shtëpi të premten kur shkoi në punë, në dhomën e urgjencës në Kompleksin Mjekësor...

Shqipëria e mbyll me zero pikë Europianin U-17, kuqezinjtë mposhten thellë nga Franca

Shqipëria U17 pëson disfatë 4-0 ndaj Francës, në ndeshjen e fundit të grupit të Europianit që po mbahet në vendin tonë. Francezët e mbyllën...

Ku ndryshon Berisha nga Rama? Na e tregon Belind Këlliçi

Belind Këlliçi komentoi në “Off the Record” nga Andrea Danglli, në A2 CNN, edhe akuzat e disa prej kandidatëve të Partisë Demokratike, nga listat...

Lajme të tjera

Web TV