Gjykata e Apelit ka lënë në burg sanitaren, Tira Alldervishi që u hoq si infermiere dhe i mori 8 mln lekë familjares së një pacienteje të infektuar me Covid.
Ajo vijoi me pretendimet se është e infektuar me Covid dhe se nuk mund të prishë më asnjë punë nëse do të lirohej.
Sanitarja Tire Alldervishi, e cila hiqej si infermiere i ka zhvatur 8 mln lekë vajzës së një pacienteje me Covid.
Vajza, e cila kishte të shtruar në pavionin 2 nënën e saj të sëmurë me Covid, ka kërkuar nga “infermierja” kundrejt pagesës që t’i shërbejë nënës së saj.
Në bisedë është përfshirë dhe një doktoreshë e pavionit ku qëndronte 55-vjeçarja, e cila i ka pohuar vajzës së viktimës, se Tirja nuk ishte infermiere, por sanitare dhe nuk ishte pjesë e pavionit të saj.
Sanitarja, kundrejt pagesës i ka dërguar vajzës foto dhe video të nënës së saj gjatë kohës që ajo ishte e shtruar në spital dhe hiqej herë pas here sikur ishte pjesë e stafit që i shërbente të ndjerës.
