Nisi si një lojë, por i gjetur në rolin e protagonistit pa e kërkuar një gjë të tillë, Bernie Sanders diti ta kthejë menjëherë në avantazh.
Pasi fotoja e tij u bë meme dhe u shpërnda në çdo cep të botës, ai e stampoi në bluza dhe ka mbledhur plot 1.8 milionë dollarë.
Fotoja e shkrepur gjatë inaugurimit të presidentit Biden e tregon senatorin e Vermontit ulur në një karrige, i mbledhur nga i ftohti dhe me një palë doreza të çuditshme.
Pikërisht këto të fundit kanë tërhequr vëmendjen e rrjetit, i cili e bëri senatorin yllin e memeve për rreth një javë.
Paratë e grumbulluara nga shitja e bluzave (45 dollarë copa) do t’u jepen disa fondacioneve që u vijnë në ndihmë të varfërve.
