Gjykata greke ka vendosur të lërë në arrest me burg një trajner sporti i cili akuzohet për përdhunimin e një vajze të mitur. Gjatë seancës që zgjati rreth 4-orë, trajneri 38-vjeçar habiti me deklaratat në sallën e gjyqit, ku deklaroi se vajza nuk ishte 11-vjeçe kur ata kryen marrëdhënie por 13.
38-vjeçari i tha ‘burgut hapur’ duke pranuar krimin e rëndë, pavarësisht se sipas tij çdo gjë ndodhi me konsensus, dhe shtoi se nëse vajza e pret ai do të martohet me atë kur të dalë nga qelia.
“Nuk e kam dhunuar, kategorikisht e mohoj. Unë ende e dua atë. E di që do të dënohem, duhet të dënohem për atë që ka ndodhur. Ajo të ketë pak durim, kur të dal nga burgu, unë do të martohem me të,” tha ai, duke kërkuar të shkonte në burg.
“Më dërgoni në burg, por dijeni se kur bëmë marrëdhënie ajo nuk ishte 11 vjeçe. Ajo ishte 13 vjeçe ”, pretendohet të ketë pohuar ai, duke iu referuar moshës së vajzës.
