Sekretari i Përgjithshëm i PS, Taulant Balla ka marrë pjesë në konferencën online të organizuar nga Ministrja e Jashtme e Izraelit më 27 janar, në Ditën e Përkujtimit të Holokaustit.
Balla mori pjesë në një Konferencë së bashku me personalitete të rëndësishme si Presidenti i Izraelit Reuven Rivlin, Presidenti i Republikës Çeke Milos Zeman, Presidentja e Kongresit Amerikan Nancy Pelosi etj.
Ai ka theksuar se akte të tilla si gjenocidi i 6 milionë hebrenjve nga Gjermania naziste s’duhet të përsëriten më, teksa nuk ka harruar të përmendë as shembullin unik të kombit shqiptar në mbrojtje të hebrenjve.
STATUSI NGA TAULANT BALLA
Në ditën Ndërkombëtare të Përkujtimit të Holokaustit, ishte kënaqësi të isha pjesëmarrës në Konferencën (online) të organizuar nga Ministria e Punëve të Jashtme të Izraelit.
Pjesë e konferencës ishin personalitete të rëndësishëm si Presidenti i Izraelit Reuven Rivlin, Presidenti i Republikës Çeke Milos Zeman, Presidentja e Kongresit Amerikan Nancy Pelosi etj.
Në këtë ditë të përkujtimit të gjashtë milionë hebrenjve, viktima të gjenocidit të Gjermanisë naziste, duhet të kujtojmë që akte të tilla të mos përsëriten. Me të njëjtën vendosmëri duhet që të kujtojmë edhe shembullin unik të kombit Shqiptar në mbrojtje të hebrenjve me çdo kusht në periudhën më të errët të historisë njerëzore.
Në ditën Ndërkombëtare të Përkujtimit të Holokaustit, ishte kënaqësi të isha pjesëmarrës në Konferencën (online) të…
Posted by Taulant Balla on Thursday, 28 January 2021
