Nuk ka më gjobë për kalimin e afatit 30 ditor të deklarimit të ndryshimit të vendbanimit.
Lajmin e bëri me dije sot ministri i Brendshëm Bledi Çuçi, i cili i bëri thirrje qytetarëve që të përfitojnë nga kjo lehtësi dhe të bëjnë deklarimet e ndryshimit të vendbanimit.
E paqartë mbetet se kur do të kthehet në fuqi gjoba për mosdeklarimin në zyrat e gjendjes civile.
“Kemi vendosur ta heqim për një kohë të caktuar, që ti lëmë hapësirë njerëzve që pa i ngarkuar financiarisht, pa gjobë ta bëjnë ndryshimin e vendbanimit.
Dua i bëj thirrje gjithë shqiptarëve që tani nuk aplikohet gjobë nëse ka kaluar afati 30 ditor i deklarimit të ndryshimit të vendbanimit.
Të përfitojnë nga kjo lehtësi ta bëjnë sa më shpejt këtë deklarim, mund të shkoni në zyrat e gjendjes civile ta bëni këtë ndryshim pa u penalizuar”, tha ministri.
