Një 50-vjeçar nga Vlora është arrestuar pasi i ka vjedhur çantën një personi.
Ngjarja rreth orës 13:00 në pedonalen e qytetit, në afërsi të një hoteli. 50-vjeçari i identifikuar si Manush Nelaj ka vjedhur çantën e një shtetaseje dhe është larguar me vrap.
Mësohet se Nelaj është nga Vlora, por punon si çoban në fshatin Lozhan të Maliqit.
Ai u kap menjëherë nga uniformat blu dhe u shoqërua në komisariat për veprime të mëtejshme.
