Artistja e nominuar për çmimet Grammy dhe producentja Sophie Xeon, e njohur publikisht si SOPHIE, vdiq aksidentalisht sot në mëngjes në moshën 34 vjeçe.
Sophie vdiq në shtëpi në Athinë në 4 të mëngjesit, tha publicisti i artistes në një deklaratë. “Sophie ishte një pioniere e një tingulli të ri, një nga artistët më me ndikim në dekadën e fundit”, tha publicist.
“Jo vetëm për prodhimin e zgjuar dhe krijimtarinë, por edhe për mesazhin dhe shikueshmërinë që u arrit. Një ikonë e çlirimit”, shtoi ai.
“Në mënyrë tragjike Sophie-ja jonë e bukur u nda nga jeta këtë mëngjes pas një aksidenti të tmerrshëm. E njohur për shpirtin e saj të mirë, ajo ishte ngjitur për të parë hënën e plotë kur dhe rrëshqiti,” thuhej në deklaratën e postuar në Twitter nga “Transgressiv records”.
DJ dhe producenti Erol Alkan shkroi në Twitter: Një lajm kaq i trishtuar për të dëgjuar që Sophie u nda nga jeta.