Rektori i Universitetit të Tiranës, Artan Hoxha përmes një deklarate zyrtare bëri të ditur se provimet e semestrit të parë do të zhvillohen online.
Në vendim thuhet se provimet e semestrit të parë do të zhvillohen online, përjashtim kanë disa lëndë specifike që nuk mund të zhvillohen online, do të bëhen në auditorë pas lejes së komitetit teknik.
Në vendimin e Universitetit të Tiranës sqarohet se “provimet të cilat nuk mund të zhvillohen online për shkak të specifikës së lëndës, me kërkesë të titullarit të lëndës dhe me miratim paraprak të përgjegjësit të njësisë bazë, do të zhvillohen në auditor vetëm pas marrjes së miratimit përfundimtar nga Komiteti Teknik i Ekspertëve”.
“Nëse Komiteti nuk miraton kërkesat e zhvillimi të provimeve për këto lënë në auditore, titullarët e tyre të shohin mundësitë alternative të përmbylljes së procesit të provimeve në këtë semestër. Në pamundësi të realizimit të këtyre provimeve brenda këtij simestri si dhe për ata studentë që kanë pamundësi të pjesëmarrjes në këtë semestër do të përcaktohet një periudhë e mëvonshme e zhvillimit të tyre brenda muajit qershor”, thuhet në vendimin e rektoratit.
