Moti i keq, studenti online lutet të bjerë interneti që… ta bëjë pushim

113 563 lexime

106,048FansaPëlqeje

I lodhur e i sakatuar nga seancat e gjata mesimore online, studenti i vitit të dytë në degën Inxhinieri Fluturash të Universitetit të Bajkalit në Tiranë, 20 vjeçari Kristiano Bektashi mallkoi dje online shërbimin e internetit, – njoftojnë burime nga shoqëria e djaloshit që frekuentojnë rëndom pas (dhe gjatë) mësimit zgëqet e whatssupit, Viberit dhe mjediseve të tjera të dyshimta virtuale.

“Na grinë me mësime, s’po bëjmë dot një ditë pushim si njerëzit,” u ankua i riu shqiptar, që si shumë bashkëatdhetarë të tij, kanë emër e mbiemër që mund të çorodisin cilindo studiues të huaj që kërkon të kuptojë origjinën e përkatësisë fetare të familjes.

Duke marrë shkas nga përkeqësimet e përsëritura të motit, shirat dhe i ftohti, Kristiano u deklaroi shokëve se shpresonte të binin ca rrufe të mira në aparaturat e internetit, që të bënin ca ditë shkëputje nga mësimet.

“Do Zoti na vjen ndonjë erë me 100 km/ orë që t’i presë ato kavot e shpifura e të rrimë rehat për ca kohë,” shtoi Bektashi. Madje ai u pohoi miqve të ngushtë se shpresonte që një shkëputje e beftë e internetit, t’ua fshinte pedagogëve nga regjistri elektronik të gjitha notat që kishte marrë vitin e fundit.

Gjatë gjithë këtyre muajve, duhet pohuar se prindërit e Kristianos, Merjeme dhe Francesk Bektashi, janë mjaft të kënaqur me sjelljen online të evlatit të tyre.

“Kur shkonte në shkollë fizikisht, merrnim shumë ankesa nga mësuesit. Jo linte orët e mësimit, jo dilte me shokët. Tani ka ndërruar me 360 gradë,” thotë Francesku, i bindur se 360 gradëshi përfaqëson një ndryshim total, “rri ngulur gjithë kohën në kompjuter, me mësimet”, shkruan Gazeta Dita. “Është pjekur,” shton i mallëngjyer babai krenar.

Lexo edhe :  Sekuestrohen 12 milion euro pasuri në Itali dhe Shqipëri

Por burimet bektashiane sapo njoftuan se Kristiano ka ndryshuar befasisht qëndrim dhe e ka anulluar mallkimin ndaj internetit.

Mësohet se shoqnia e informoi të riun që ndërprerja e internetit nënkupton se ata nuk do takohen më në rrjete sociale, as do shihen në videochat, e ç’është më e keqja, nuk do luajnë më së bashku “Luftën e tankeve” online gjatë mësimeve.

I lehtësuar që ndryshoi mendim në kohë, Kristiano Bektashi mësohet se e ka modifikuar mallkimin e tij, duke kërkuar që “iu prefshin dritat gjithë Tiranës”.

“Dritat nuk kanë lidhje me internetin, apo jo,” deklaroi me bindje studenti.

Të fundit

Italia do të lehtësojë masat antiCovid

Italia do të fillojë me lehtësimin e kufizimeve anti-COVID duke filluar nga 26 prilli, ka paralajmëruar kryeministri italian, Mario...

A janë reale shifrat dhe pse kanë pësuar ulje? Përgjigjet mjeku Alimehmeti

Epidemiologu Ilir Alimehmeti ka folur për procesin e vaksinimit masiv, ku tha se ditët e fundit kemi një rënie të shifrave, pasi sipas tij...

“S’po kuptoj kush është lideri në opozitë”/ Rama i përgjigjet ftesës së Metës për debat publik

Kryeministri Edi Rama pas Lulzim Bashës ka refuzuar edhe ftesën e Presidentit Ilir Meta për debat publik. Rama madje ironizoi se këto kohë po...

Basha kopjon Ramën, poston video nga makina: Do të jem kryeministër i…

Mesazhet ndaj qytetarëve nga makina apo telefonatat me kandidatët janë një rutinë e kryeministrit Edi Rama, por që së fundi është kopjuar nga kreu...

“Do i pres dorën atij që vjedh vota”/ Rama për deklaratën e Metës: Ky nivel komunikimi kërkon psikiatër!

Kryeministri Edi Rama i është përgjigjur sot në mbrëmje deklaratave të forta që ka bërë Ilir Meta lidhur me zgjedhjet e ardhshme të 25...

Lajme të tjera

Web TV