U gjobit nga KQZ, Veliaj: Do ta apeloj! Kush shton 5 vila do të bëhet kryeministër, kush bën 5 shtëpi në ditë gjobitet

113 563 lexime

106,048FansaPëlqeje

Komisioni Qendror i Zgjedhjeve ka gjobitur sot kryebashkiakun e Tiranës Erion Veliaj, me 825 mijë lekë të vjetra, lidhur me aktivitetet e tij politike.

Ndërkaq, në një intervistë për Neës24, Veliaj tha se kjo është një anomali dhe se do ta apel vendimin brenda 5 ditëve.

Ai tha se është e turpshme që dikush që shton 5 vila në kohë pandemie (Basha) kërkon të bëhet kryeministër ndërsa kush ndërton 5 shtëpi për të futur njerëzit brenda gjobitet. Veliaj nuk la pa thumbuar as ish-deputeten e PD, Grida Duma.

Veliaj: E kuptoj që opozita do të futet në lojë, e kuptoj pozicionin e Celibashit. Ata janë në rol, ne jemi në rol, duhet të bëhen babysitter të kapin topin me dorë. Po ju kujtoj që politika është për të rritur jo për fëmijë. Dikush që shtoi 5 vila në pandemi kandidon për kryeministër, dhe dikush që bën 5 shtëpi çdo ditë për ata që kanë nevojë, gjobitet. Kjo është një anomali që sigurisht do marrë përgjigje. Kjo nuk është një gjobë për masat anti-covid, por një gjobë se pse njerëzit nuk rrinë në çadra, por futen në shtëpi. Kjo lloj gjobe është e kësaj natyre. Nuk është gjobë shëndetësie, por pse i futëm njerëzit në shtëpi dhe nuk i lamë në çadra që Luli me Monën të gjejnë shesh për të bërë përshesh. Do ta apeloj vendimin, kam 5 ditë kohë. Por nuk është ky apeli im, është apeli moral që kush shton vilat dhe kush e shet shtëpinë 5 herë është i mirë ndërsa kush bën shtëpi për të futur të tjerët brenda gjobitet. Unë nuk jam rritur me këto vlera. Jam rritur me vlerat ndihmo fukarain, dhe ai që ka plot lëre se ka kush e mbron.

Lexo edhe :  Rama në Kolonjë, turistët holandezë i bëjnë xhiro me motorr (Video)

Gjobat për Erion Veliajn:

-750 mijë lekë për shkelje të rregullave për aktivitetet e ndaluara

-35 mijë lekë për mos raportim të aktiviteteve

-40 mijë lekë për promovim të aktiviteteve të ndaluara

Të fundit

Të shtëna me armë zjarri në Elbasan, detajet e para

Të shtëna me armë dyshohet të jenë regjistruar në Elbasan. Mësohet se të shtënat janë dëgjuar në lagjen Brigada...

E trishtë/ Tjetër humbje nga bluzat e bardha, Covid-19 i merr jetën mjekut të njohur

Koronavirusi ka marrë një tjetër jetë nga radhët e “bluzave të bardha” në Shqipëri. Spitali Bashkiak "Dr. Stefan Gjoni " Krujë bën me dije se...

Kampionati Kombëtar zbret në fushën e blertë, luhen 7 takime në Superiore dhe në Të Parën

Luhen dy të parat e javës së 27-të të Superiores dhe 5 takime të Kategorisë së Parë. Kampionati Kombëtar i Futbollit ka luajtur të...

Doni t’i harroni kujtimet e këqija? Këto 4 teknika do t’ju ndihmojnë shumë

Shumica prej nesh kanë mendime në kokë që nuk i largojnë dot nga mendja sado që përpiqen. Si t’ia bëni në këtë rast? Në...

Festivali i çmendur i prillit/ Mijëra skiatorë me të brendshme, rrëshkasin në paradën ruse të rrëpirës

Qindra entuziastë të sportit kanë marrë pjesë edhe sivjet në paradën skiatore në bikini ose të brendshme, të kthyer tashme në festivalin alpin në...

Lajme të tjera

Web TV