Takimet e para të gjysmëfinaleve, Atletik-Levante 1-1, takimi erdhi direkt në RTSH Sport. Një tjetër ekskluzivitet madhor i Rrjetit të Radio-Televizionit Shqiptar është edhe Kupa e Spanjës, e njohur ndryshe si Kupa e Mbretit. Dhe të martën e të mërkurën ajo ka luajtur aktin e parë të gjysmëfinaleve, që zhvillohen me sistem vajtje-ardhje. Të martën, Sevilja mundi Barcelonën 2-0, ndërsa të mërkurën, Atletik i Bilbaos dhe Levante e mbyllën në barazim 1-1 përballjen e parë.
Pasi ka luajtur të martën ndeshjen e parë të duelit të parë të gjysmëfinaleve, që ndryshe nga turet e deritanishme, që janë vendosur nga një takim i vetëm, do të zhvillohet me sistem vajtje-ardhje, Kupa e Spanjës, e njohur ndryshe edhe si Kupa e Mbretit, ka luajtur të mërkurën edhe takimin e parë të çiftit tjetër, atë midis Atletik të Bilbaos dhe Levantes. Siç dihet, kjo veprimtari historike po zhvillon edicionin e saj të 118-të.
Dhe pasi Sevilja ka mundur të martën Barcelonën me rezultatin 2-0, me nga një gol të shënuar për secilën pjesë loje, të mërkurën ka qenë Levante ajo që e ka shtangur skuadrën vendase në Bilbao, duke kaluar në epërsi në minutën e 26-të, me anë të Gonzalo Meleros. Me epërsinë minimale të miqve do të mbyllen 45 minutat e para, ndërsa ato të dytat do të shikojnë skuadrën vendase më ngulmuese në kërkim të golit të barazimit, duke arritur ta gjejë atë në minutën e 58-të, me anë të Inigo Martinezit.
Gjysmëora e mbetur nuk do të sjellë më gola të tjerë dhe kështu mbyllet në barazim 1-1 kjo përballje e parë midis Atletik të Bilbaos dhe Levantes do të luhet të enjten e 4 marsit 2021.
Kupa e Spanjës
Gjysmëfinalet:
Të mërkurën, 10 shkurt 2021:
Sevilja – Barcelona 2-0
Të enjten, 11 shkurt 2021:
Atletik i Bilbaos – Levante 1-1
Të mërkurën, 3 mars 2021:
Barcelona – Sevilja (21:00)
Të enjten, 4 mars 2021:
Levante – Atletik i Bilbaos (21:00)
