GJKKO nuk e ka ndryshuar masën e sigurisë as për gjyqtaren e Krujës Enkeleida Hoxha, duke e lënë në “arrest me burg”.
Avokati i saj, Ardian Visha e quajti të padrejtë vendimin e masës së sigurisë.
“I duhet të kujdeset për fëmijët dhe babanë e sëmurë. Edhe pse është etiketuar si ‘armike e popullit, është një nënë e vetme që rrit fëmijët”, tha ai.
Gjyqtarja e Krujës Enkeleda Hoxha është paraqitur sot (13 shkurt) para togave të zeza rreth orës 10 të paradites e shoqëruar nga forcat e rendit.
Seanca u mbajt në Gjykatën e Posaçme Kundër Krimit dhe Korrupsionit në Tiranë.
Së bashku me gazetarët procesin e ka ndjekur dhe babai i saj, i cili ka deklaruar se vajza e tij është kërcënuar për të dhënë disa vendime.
I ati u shpreh se sasia e parave të gjetura në shtëpinë e gjykatëses është e justifikuar përmes dokumentave.
