Armand Plaka bën profilin politik të kryeministrit të ri të Kosovës Albini Kurti. I ftuar në emisionin HARD TALK NGA ROLAND QAFOKU, Plaka deklaron se Kurti ka për të qenë një kryeministër ndryshe.
-Çfarë lloj kryeministri pritet të jetë Albin Kurti?
-E gjithë statura politike e Albin Kurtit ka qenë një staturë e tillë e cila të impresiononte që në momentet e para. Është një politikan i një formati komplet ndryshe nga të tjerët. Ndoshta pikërisht për këtë arsye, pjesa më e madhe e suksesit të tij është të qenurit i veçantë. Nga ana tjetër, duhet të kemi parasysh se nga ai Albini i ardhur nga një sfond i lëvizjeve radikale, edhe vetë formacioni politik që ndërtoi tentoi të mos e quante parti politike, por lëvizje politike, pra në nëj sfond nga shoqëria civile dhe grupime të rinjsh të cilat ai arriti me sukses t’i menaxhonte, duhet thënë falë pikëpamjeve në atë kohë shumë populiste, dhe në shumë aspekte edhe ekstremiste. Përtej gjithçkaje fitoi pragmatizmi. Do shohim një Albin Kurti tjetër, i cili i dha shenjat edhe para dy viteve kur erdhi në pushtet në koalicion me LDK-në. Kam përshtypjen se është lider i rekordeve. Në çdo aspekt ka vendosur rekorde. Madje mendoj se do jetë i pari që do shtyjë një mandat të plotë. /Fjala.al/Ke.Ba
