Një dokumentar i ri për marrëdhëniet e hapura mes një çifti është publikuar dhe duhet ta shihni për ta besuar. “There Is No ‘I’ in Threesome” tregon jetën e vërtetë të Ollie dhe Zoe, një çifti të fejuar që kanë vendosur që për 3 muaj të eksperimentojnë me një lidhje të hapur, duke kryer marrëdhënie seksuale me persona të tretë.
Filmi u drejtua nga Jan Oliver Lucks, i cili është gjithashtu personazhi kryesor. Dokumentari ndjek një çift të Zelandës së Re dhe dokumentari eksploron nëse monogamia është me të vërtetë për të gjithë.
Diçka ndodh në minutat e fundit të dokumentarit që ndryshon totalisht gjithçka dhe do t’ju lërë gojëhapur.
Nëse NUK doni ta zbuloni fundin pa e parë, atëherë mos lexoni më poshtë. Dhe për të tjerët që DUAN ta dinë tani, e vërteta është kjo:
Në fund të filmit, mësojmë se në të vërtetë nuk kemi parë një dokumentar me pamje reale të Ollie dhe Zoe-t. I gjithë filmi ishte Ollie duke ri-kujtuar marrëdhënien e tij me një aktore që luan rolin e Zoe! Ollie u fejua me një grua, emrin e së cilës nuk e dimë, në 2015-n dhe ata vendosën të hynin në një marrëdhënie të hapur. Çifti filmoi përvojat e tyre dhe kishte plane për të bërë një dokumentar me pamjet. Por, kur gruaja u dashurua me një burrë tjetër, projekti i filmit u la përgjysmë. Ollie nuk donte ta hidhte poshtë punën e projektit, kështu që ai kërkoi leje nga ish-e fejuara e tij për të gjetur një aktore për ta luajtur dhe për të rikrijuar filmin pa të.
