Gjatë mbrëmjes së të hënës është vënë në pranga ekonomisti i një qendre shëndetësore në Elbasan. Burime zyrtare konfirmuan se Edlir Sejdini, ekonomist në QSH nr. 3 dyshohet se në bashkëpunim me persona të tjerë ka shpërdoruar detyrën gjatë një periudhe dy vjeçare.
Ai e ka realizuar këtë vjedhje duke falsifikuar listën e prezencës së punonjësve nëpërmjet falsifikimit ai përvetësuar një vlerë prej 30 milionë lekësh pranë qendrës shëndetësore nr. 3 në qytetin e Elbasanit.
Arrestimi i ekonomistit Edlir Sejdini u finalizua pas një hetimi disa mujor të seksionit të krimit ekonomik pranë drejtorisë së policisë Elbasan, në bashkëpunim me Prokurorinë e rrethit gjyqësor Elbasan. Pritet të zbulohet kjo skemë vjedhje mjaft e komplikuar për mënyrën sesi është realizuar për një periudhë kaq të gjatë.
