Kryeministri Rama ka komentuar sërish arrestimin e mjekut Edvin Prifti dhe disa bluzave të bardha, të përfshira në korrupsion, që u zbuluan nga SPAK dhe Prokuroria e Tiranës.
Sipas Ramës, mjeku pretendon se është futur në burg ngaqë është i djathtë, ndërsa disa analistë sipas kryeministrit thonë se është goditje elektorale. Por, kreu i qeverisë këmbëngul se ky është një mesazh i institucioneve të reja të drejtësisë.
“Është dhënë mesazh shumë i qartë nga institucionet e reja të drejtësisë. Goditja që u bë ishte shumë e pështirë të shikoje Tiren dhe ato të tjerat që ishin përfshirë në atë pështirosje të madhe por lajmi i mirë është se janë pas hekurave. Tirja është fenomen pandemie por i pandemisë së korrupsionit që 30 vjet.
Ashtu sikurse edhe liberali i djathtë që thotë se më kanë fut në burg se jam i djathtë, bashkë me disa analistë që predikojnë se këto qenkan goditje elektorale, se çlidhje kemi ne me elektoralen, vetëm këta. Duhet të jemi më të inkurajuar sot se çishin 7 vite më parë. Me të gjitha vështirësitë e veta procesi pe ecën me një ritëm që nuk është ritmi që duan shqiptarët”, u shpreh Rama nga Fieri.
Kujtojmë se, mjeku Edvin Prifti u arrestua pak ditë më parë pasi gjatë një hetimi të SPAK për gjyqtaren e Krujës Enkeleida Hoxha, doli dhe emri i tij. Sekretarja e Gjykatës së Krujës kishte dhënë ryshfet te mjeku Prifti që ky i fundit t’i operonte nënën.
Nga kontrolli në shtëpi dhe në zyrë, mjeku Edvin Prifti iu gjetën respektivisht 250 milion lekë në shtëpi dhe 160 mijë euro në zyrë. Vetë mjeku Prifti pretendon se paratë rrjedhin nga burime të ligjshme.
