Tiger Woods është shtruar në spital në një qendër mjekësore në Los Angeles pasi pësoi një aksident të rëndë automobilistik. Zjarrfikësve u është dashur ta nxjerrin atë nga makina me mjete hidraulike. Shkaqet e aksidentit nuk dihen.
Lajmi u konfirmua nga Sherifi i Lomita, një qytet i vogël në jug të Los Angeles, njësitë e të cilit shkuan në vendin e ngjarjes. Aksidenti me sa duket ndodhi në 07:12 të mëngjesit.
Disa minuta pas aksidentit, agjenti i Tiger Woods raportoi se lojtari i golfit kishte pësuar disa lëndime në këmbë dhe ishte duke iu nënshtruar një operacioni.
Woods, 45 vjeç, banon në Jupiter (Florida) por ishte në zonën e Los Angeles pasi priti Genesis Invitational në Riviera, një turne i vlefshëm për PGA Tour i organizuar nga ish-numri një në botë.
Duke përfituar nga udhëtimi, Woods kishte organizuar një xhirim me Golf TV (një nga sponsorët e tij) dhe Golf Digest në zonë, prandaj ai qëndroi në Kaliforni.
Video from the scene of @TigerWoods car crash in LA, his agent Mark Steinberg saying “Tiger has sustained multiple leg injuries.” pic.twitter.com/IOONpFwA42
— George Savaricas (@GeorgeSavaricas) February 23, 2021
