Komiteti Teknik i Ekspertëve gjatë konferencës për mediat këtë të enjte bëri me dije se në Shqipëri shihet një tendencë në rritje e rasteve të reja në moshat 24-35 dhe 44-55, ndërsa mosha më e re e të infektuarve është 15-vjeç.
“Moshat 24-35 44-55 kanë një shtim të rasteve. Sot nga mosha 15 deri në 74 kanë një shtim të ndjeshëm me Covid-19. Duam të theksojmë se shtimi i këtyre rasteve ka ardhur si pasojë e mosrespektimit të masave.”, u shpreh Fico.
Ndërkohë kujtojmë se gjatë konferencës së sotme u vendos që në Shqipëri të qëndrojnë të njëjtat masa kufizuese që janë vendosur më 11 shkurt.
Masat që do të qëndrojnë në fuqi në Shqipëri janë:
Kufizim të lëvizjes nga ora 20:00-6:00
– Qytetarët që do u nevojitet që të dalin pas orës 20:00, do duhet të pajisjen me autorizim në e-Albania
Kufizim të bareve restoranteve fast- food nga ora 20:00-6:00 (përveç shërbimit delivery)
Administrata do të punojë online
-Përjashtim bëjnë rastet kur janë emergjenca shëndetësore apo për institucionet e shëndetësisë dhe punonjësit e shërbimeve kritike
/Fjala.al
