Dy persona të moshës 24 dhe 28-vjeç kanë mbetur të vrarë nga një përleshje e armatosur që ka ndodhur në mëngjesin e sotëm në Shkup, në bulevardin “Makedonsko – Kosovska Brigada”, konfirmoi Ministria e Punëve të Brendshme.
Dy të rinjtë shqiptarë, përkatësisht Afrim Berisha 28 vjeç dhe Burim Vardari 24 vjeç, janë gjetur të vdekur brenda automjetit tip “Citroen” me targa të Shkupit. Në vendin e ngjarjes janë gjetur gëzhoja.
Të rinjtë janë qëlluar me 2 armë të ndryshme nga një tjetër makinë në lëvizje ndërsa ata po qëndronin në një makinë të parkuar.
Për shkak të plagëve të marra ata kanë ndërruar jetë në vend. Mediat e Maqedonisë së Veriut kanë hedhur dyshime se edhe autorët mund të jenë shqiptarë.
