Prekja e topit me dorë në zonë gjatë viteve të fundit është interpretuar në mënyra të ndryshme dhe ka pasur shumë pakënaqësi, teksa federatat kryesore i kanë kërkuar FIFA-s ndërhyrje për ndryshime.
Bordi i 135-të i Shoqatës Ndërkombëtare të Futbollit (IFAB)ka konfirmuar që jo të gjitha kontaktet midis topit dhe dorës ose krahut duhet të konsiderohen penallti. Penalltia është kur një lojtar prek qëllimisht topin me dorën ose krahun e tij brenda zonës. Tashmë nuk do ndodhë kështu. IFAB tregon se çdo prekje e paqëllimshme e topit me dorë nuk do të konsiderohet shkelje dhe nuk do të ketë penalizim.
Shkelje do të quhet vetëm kur lojtari e lëviz dorën apo krahun qëllimisht drejt trajektores së topit. Pra në rast se dora e lojtarit lëviz artificialisht drejt topit, çka do të thotë se ajo nuk është në pozicion natyral, konsiderohet faull. Gjithashtu nuk do të jetë shkelje në rast se lojtari prek jo qëllimisht topin dhe topi përfundon në rrjetë. Gjithashtu prekja aksidentale, që ndihmon një shok skuadre të shënojë, do të jetë e lejueshme.
