Papa Françesku është kthyer në Vatikan pas një udhëtimi tre ditor në Irak.
Ai u tha gazetarëve se takimi me ajatollahun e madh, Ali Sistani ishte një “balsam për shpirtin”.
Papa, një ithtar i madh i bisedës së drejtpërdrejtë me përfaqësuesit e Islamit, e përshkroi takimin me Sistanin si “një bisedë private me një njeri të përulur dhe të mençur pranë të cilit ndihej i nderuar”.
“Ai nuk ngrihet kurrë për të përshëndetur një vizitor, por ai u ngrit dy herë për të më përshëndetur mua”, u tha Papa gazetarëve në aeroplan gjatë kthimit për në Romë, raporton NYTimes.
“Unë besoj se ky është një mesazh universal”, shtoi Papa, i cili dy vjet më parë nënshkroi një dokument mbi vëllazërinë e njerëzve me hoxhën e madh suni të Universitetit Al-Azhar të Egjiptit, me të cilin bisedoi fshehurazi për gjashtë muaj.
Ai nuk e përsëriti këtë me Ajatollah Sistanin e madh, udhëheqësi më i lartë i Shiitëve, dega e dytë e Islamit që është shumicë në Irak.
