Italia me masa të reja/ Kryeministri Draghi jep alarmin: Jemi në mesin e një vale të re të COVID-19

113 563 lexime

124,178FansaPëlqeje

Dyqanet, restorantet dhe shkollat do të mbyllen në pjesën më të madhe të Italisë duke nisur nga e hëna.

Kjo masë vjen pas paralajmërimit të kryeministrit Mario Draghi, për një valë të re të shpërthimit të COVID-19 në vend. Në prag të Pashkëve, pra nga 3-5 Prill, do të ketë një mbyllje totale të vendit. Italia, e cila është shteti i parë Evropian që vendosi bllokimin e parë kombëtarë, në fillim të pandemisë, po lufton ende me një përhapje të madhe të koronavirusit. Deri më tani, vendi ka raportuar më shumë se 100 mijë vdekje nga virusi, duke u kthyer kështu në vendin e dytë për vdekjet e shënuara në Evropë pas Britanisë së Madhe.

Fushata e vaksinimit përtej Adriatikut po kalon mes pengesave të shumta. Kompania anglo-suedeze AstraZeneca, ka njoftuar vendet që kanë porositur vaksinën prej tyre se do të ketë vonesa në furnizim, duke fajësuar për këtë, kufizimet e eksportit të vendosura nga disa vende. Deri më tani, kujtojmë se Bullgaria, Danimarka dhe Norvegjia kanë ndaluar përdorimin e vaksinës së AstraZeneca, për shkak të frikës se mund të shkaktojë mpiksje gjaku.

Megjithatë, përtej pretendimit të këtyre shteteve, Organizata Botërore e Shëndetit, theksoi përmes një dalje publike, se deri më tani nuk ka asnjë tregues se kjo mund të jetë e vërtetë.

Cilat do të jenë rregullat e reja në Itali?

Duke nisur nga e hëna, shkollat, dyqanet dhe restorantet do të mbyllen në pjesën më të madhe të territorit të vendit, duke përfshirë dy qytetet më të populluara të vendit, Romën dhe Milanon. Banorëve në këto zona, do u kërkohet të qëndrojnë në shtëpi dhe do të lejohen të dalin veç për punë, arsye shëndetësore apo arsye të tjera thelbësore. Kufizimet shtesë do të zgjasin deri për Pashkë dhe gjatë fundjvës së Pashkëve, me urdhër të kryeministrit Draghi, i gjithë vendi do të kthehet në “zonë të kuqe”.

Lexo edhe :  Njihuni me George Simionin, fituesin nacionalist në zgjedhjet e Rumanisë

“Unë jam i vetëdijshëm se kufizimet e ndërmarra do të sjellin pasoja në arsimimin e fëmijëve, në ekonomi dhe shëndetin mendor të të gjithëve. Por ato janë të nevojshëm për të shmangur një përkeqësim të situatës që do të kërkonte masa akoma dhe më strikte”, u shpreh kryeministri Italian.

Ishulli i Sardenjës është i vetmi rajon ku shkalla e infektimit është e ulët. Vlen për t’u përmendur se deri më tani, Italia ka shënuar 3.2 milion infektime që nga shpërthimi i pandemisë 1 vit më parë.

Të fundit

Jennifer Lopez injorohet nga prindërit e tjerë në eventin e vajzës së saj!

Kur Jennifer Lopez shfaqet kudo, shumica e njerëzve bëjnë foto nga vendi i ngjarjes, ndërkohë që ka fansa që...

Po vendosnin energjisë elektrike në një qendër votimi! Humb jetën elektricisti

Një elektricist i OSHEE ka humbur jetën dhe dy të tjerë kanë mbetur të lënduar këtë të enjte në Kodër Rrëshen, gjatë orarit të...

Sërish tym i zi në Vatikan

Sërish tym i zi në Vatikan! Konklava nuk ka arritur ende në një dakordësi për të zgjedhur Papën e ri që do të pasojë...

Mashtrim përmes TVSH-së, arrestohet 22-vjeçari që i shkaktoi shtetit dëm rreth 3 mln euro

Një 22-vjeçar ka rënë në prangat e policisë, pasi akuzohet për veprën penale “Krijimi i skemave mashtruese lidhur me tatimin mbi vlerën e shtuar”. 22-vjeçari...

Probleme në punë dhe me financat! 3 shenjat më me pak fat të horoskopit për verën 2025

Ujori Kjo verë pritet të sjellë vështirësi për Ujorët, me financat që janë një burim kryesor stresi. Nga korriku e tutje, menaxhimi i financave bëhet...

Lajme të tjera

Web TV