Ernejt Shyti, 24-vjeç është autori i vrasjes së Behar Sofisë, i cili u arrestua mbrëmjen e djeshme në shtetin fqinj të Malit të Zi.
Bëhet me dije se 24-vjeçari është arrestuar së bashku me tre bashkëpuntorët e tij, emrat e të cilëve nuk janë bërë ende me dije.
Mësohet se 24-vjeçari para policisë ka pranuar vrasjen dhe se e ka kryer me pagesë. Të katër të arrestuarit janë nga Krraba e Fushë Krujës, ndërsa autori jetonte me nënën në rrugën “Bardhyli”.
Behar Sofia, i njohur dhe me emrin Fatmir Sofia, u ekzekutua mëngjesin e 25 shkurtit në mes të Tiranës, pranë Piramidës. 66-vjeçari u gjet i shtrirë në rrugë dhe i gjakosur.
Behar Sofia nuk është një emër i panjohur për Policinë pasi është përfshirë në disa ngjarje kriminale.
Ai pasi qëlloi Sofinë, mori biçikletën që e kishte lënë poshtë Urës së Lanës dhe u largua për nga Liqeni i Tiranës. Aty 24-vjeçari hoqi xhinset që kishte veshur, xhupin, maskën dhe kapelen.
Rrobat e autorit u gjetën 3 ditë pas ngjarjes, dhe aty u mor profili gjenetik nga dhe u zbulua. Policia shqiptare dhe malazeze bashkëpunuan, dhe sot autori iu dorëzua Policisë së Tiranës.
Lexo më tepër:
“Më premtuan 50 mijë euro”/ Zbardhet dëshmia e vrasësit të Behar Sofisë, policia jep njoftimin (Emrat)
