Kryetari i Partisë Demokratike, Lulzim Basha i ka mbyllur takimet e sotme në Kurbin. Lideri i PD u prit nga një numër i madh qytetarët, të cilët ishin grumbulluar në shkelje të rregullave anti covid.
Në fjalën e tij, Basha përmendi po ashtu se kjo e martë është e shenjtë për besimtarët katolikë, por, siç duket i emocionuar nga pritja, bëri një lapsus.
Kryedemokrati ngatërroi datën e përfundimit të pelegrinazhit, me atë të ditëlindjes së tij më 12 qershor.
“Kurbini sot është plot se është e marta e Shna Ndout. Ajo që duhet të ishte një kafe me 3-4 katër drejtues, është kthyer në një bashkim të madh të kurbinasve. Në emër të kurbinasve, sonte rastësisht, absolutisht rastësisht, takim i paplanifikuar nuk e shlyen borxhin për të ardhur këtu dhe për të prezantuar kandidatët tanë që janë mirëpritur. Ju përshëndes këtë të martë të shenjtë. Është e marta e parë e Shna Ndojit, që do përfundojë peligrinazhin më 12 qershor, me 13 se e ngatërrova. Me 12 është ditëlindja ime. S’të lë Bujari të gabosh.”, tha Basha, i cili e korrigjoi gabimin.