Pak ditë më parë, Presidenti i Serbisë, Aleksandër Vuçiç ka provokuar Kosovën, duke postuar në Instagram një foto të hartës të Kosovës të mbështjellë nga flamuri serb.
Ditën e sotme mesa duket Vuçiç është tërhequr nga ky provokim, teksa ka deklaruar gjatë takimit me shefen e zyrës së Organizatës së Kombeve të Bashkuara në Beograd, Marie Yamashit, se është i gatshëm për dialog me Kosovën.
Presidenti serb, Aleksandar Vuçiç, ka thënë se Serbia është e gatshme për kompromis, në zgjidhjen e çështjeve rajonale, përfshirë dialogun me Kosovën. Sipas mediave serbe, mes tjerash Vuçiç ka pohuar se Serbia është e përkushtuar për paqe dhe stabilitet në rajon.
”Puna e Zyrës së saj është shumë e rëndësishme, duke pasur parasysh se është një lidhje me Misionin e OKB-së në Kosovë dhe Metohi”, tha Vuçiç.
Ai theksoi se Serbia i kushton një rëndësi të madhe punës së UNMIK-ut.
”Bazuar në Rezolutën 1244 të Këshillit të Sigurimit të OKB-së nga 1999, është garantuesi i statusit të neutralitetit të pranisë ndërkombëtare në Kosovë dhe Metohi”, tha Vuçiç.
