Trafikantët meksikanë janë kapur në kamera duke hedhur dy të mitur nga muri 4 m që ndan vendin nga SHBA-ja.
Pamjet shqetësuese të publikuara nga autoritetet e SHBA tregojnë momentin kur dy vajzat nga Ekuadori, të moshës 3 dhe 5 vjeçe u hodhën nga muri në Cristo Rey, afër El Paso, Texas, të martën në mbrëmje.
CBP theksoi se të miturat, të cilat janë motra me njëra-tjetrën, ishin keqtrajtuar dhe braktisur nga trafikantët.
Vajzat, të cilat u shpëtuan nga agjentët dhe u dërguan në Stacionin e Patrullës Kufitare Santa Teresa për vlerësim mjekësor, janë vetëm dy nga 16,000 fëmijë që kaluan kufirin SHBA-Meksikë në mars.
Mijëra familje dhe fëmijë të pashoqëruar kanë hyrë në SHBA përgjatë kufirit të saj jugor qëkur Joe Biden mori detyrën dhe u zotua të bëjë rregullat e imigracionit më ‘njerëzore’.
Sidoqoftë, fluksi ka çuar në një ngushtim në qendrat e paraburgimit, ndërsa kontrabandistët në Meksikë po sigurojnë jetesën duke shfrytëzuar emigrantët që shkojnë në veri të SHBA.
