E ardhmja e yllit të Borussia Dortmund, Erling Haland po fillon të marrë drejtim, teksa në rrjetet sociale një video e babait të sulmuesit dhe agjentit të tij Mino Raiola duke zbarkuar në aeroportin e Barcelonës,video kjo që ka bërë tifozët e klubit katalanas të ëndërrojnë.
Siç raporton “Lavanguardia, dyshja është takuar me Presidentin blaugrans, Joan Laporta dhe bordin e tij drejtues. Me performancat e tij fantastike, Haland është vënë në qendër të merkatos, ku janë të shumta ekipet që janë vënë pas sulmuesit. Nuk dihet se çfarë është folur në këtë takim, por si duket presidenti Laporta ka ardhur me synime të qarta, të rikthejë përsëri Barcelonën në rrugën e lavdisë.
Ai ia ka prezantuar këtë projekt edhe si agjentit të Haland ashtu dhe babait të sulmuesit, që parimisht kanë rënë dakort dhe janë joshur nga projekti katalanas. Tani i takon Dortmundit të caktojë çmimin e sulmuesit norvegjez, në mënyrë që klubet të nisin negociatat.
Një dyshe sulmi Messi-Haland do të ishte ‘vdekjeprurëse’ për çdo skuadër dhe do i fuste frikën çdo mbrojtësi. Tifozët katalanas kanë filluar të ëndërrojnë dhe me të drejtë.
Blerja e Haland do të ishte hapi i duhur, drejt një rruge të re suksesesh për Barcelonën…
