Sot Kosova ‘provon’ mbylljen tjetër për shkak të situatës nga Covid-19, ja masat e reja kufizuese

113 563 lexime

106,048FansaPëlqeje

Në Kosovë të mërkurën kanë hyrë në fuqi masat e reja të kufizimit të vendosura nga autoritetet për të parandaluar përhapjen e koronavirusit të ri. Këto masa, për dy javët e ardhshme ndalojnë qarkullimin e qytetarëve nga ora 22:00 deri në 05:00, përveç në raste urgjente.
Shërbimet e gastronomisë obligohen të pezullojnë aktivitetin e tyre nga data 7 prill deri me datë 18 prill. Ato lejohen të punojnë vetëm me shërbimet “merr me vete”, “dërgesë me porosi” apo marrjes së porosive pa u larguar nga makinat.

Sipas vendimit të Qeverisë së Kosovës, ndalohet veprimtaria e qendrave të mbyllura tregtare, përveç shërbimeve esenciale në kuadër të tyre, siç janë dyqanet ushqimore dhe farmacitë, nga data 7 prill deri më datë 18 prill.

Në qendrat e hapura tregtare lejohet aktiviteti duke i respektuar masat dhe rekomandimet për kontrollin, parandalimin dhe luftimin e pandemisë COVID – 19.

Sipas vendimit të Qeverisë së Kosovës, të gjitha institucionet publike dhe private të arsimit parauniversitar (nga data 12 prill deri me 18 prill), dhe të gjitha institucionet publike dhe private universitare nga data (7 prill deri me datë 18 prill) obligohen që të organizojnë online të gjitha aktivitetet mësimore.

Me masat e reja ndalohen të gjitha grumbullimet me rrezikshmëri të lartë të shpërndarjes së infeksionit, me më shumë se 10 persona, (mbledhjet, seminaret, trajnimet, dasma, ahengje familjare, homazhe, e të ngjashme).

Masat e reja janë kundërshtuar nga përfaqësues të bizneseve dhe Asociacioni i Komunave të Kosovës.

Kryetarët e komunave kanë vlerësuar se duhet të respektohen masat aktuale me rigorozitet, të rritet numri i aktiviteteve inspektuese, të rritet angazhimi dhe përkushtimi i policisë.

Ndërkaq, Oda e Afarizmit të Kosovës (OAK) ka kërkuar nga institucionet e Kosovës që asnjë kufizim apo mbyllje totale e bizneseve të mos bëhet pa përkrahje paraprake financiare.

Lexo edhe :  Çfarë duhet të kenë parasysh qytetarët që hyjnë në Kosovë, publikohet vendimi për masat kufizuese

Përfaqësues të Shoqatës së Gastronomëve të Kosovës, janë shprehur të shqetësuar me faktin se masat për mbyllje janë ndërmarrë pa pasur një plan konkret për ndihmë financiare.

Në arsyetimin e Qeverisë së Kosovës për masat e reja thuhet se Instituti Kombëtar i Shëndetësisë Publike të Kosovës (IKSHPK) ka testuar me 147 mostra pozitive me koronavirus, për detektimin të variantit britanik të koronavirusit.

Të martën, më 6 prill, Kosova regjistroi tetë viktima dhe 489 raste të reja. Me shifrat e fundit, numri i përgjithshëm i të infektuarve me koronavirus në Kosovë arrin në 94.656, i viktimave në 1.934 dhe i të shëruarve në 78.702./REL

Të fundit

Sot Kosova ‘provon’ mbylljen tjetër për shkak të situatës nga Covid-19, ja masat e reja kufizuese

Në Kosovë të mërkurën kanë hyrë në fuqi masat e reja të kufizimit të vendosura nga autoritetet për të...

Përveç fitores, e ke përgatitur fjalimin e humbjes? Ja si i përgjigjet Basha

Kreu i Partisë Demokratike Lulzim Basha duket tepër optimist te rezultati i zgjedhjeve të 25 prillit, sa që nuk e diskuton fare humbjen. Ndryshe nga...

VIDEO/ Gafë në takim, Erdogan dhe Michel zënë karriget, Ursula von der Leyen ngelet në këmbë

Një moment shumë larg skenës së ”xhentëlman”-ëve është shënuar gjatë një takimi zyrtar që ka pasur presidenti i Turqisë Rexhep Taip Erdogan, me dy...

Vrasja e Behas Sofisë, çfarë thanë në gjykatë bashkëpunëtorët e organizatorit të vrasjes

Gjykata e Apelit ka lënë në qeli Skënder Vathin, i akuzuar si organizator në vrasjen e Behar Sofisë. Skënder Vathi kishte kërkuar ndryshim të masës...

Vranë me thikë 43-vjeçarin në Selanik/ Arrestohen shqiptarët e dënuar për vjedhje

Vijon puna hetimore nga strukturat e Policisë së Shtetit, për zbardhjen e ngjarjeve kriminale kundër personit. Finalizohet pas një hetimi disamujor, operacioni policor i koduar...

Lajme të tjera

Web TV