Një ngjarje e rëndë ka ndodhur mbrëmjen e djeshme në Itali, ku një 83-vjeçar ka vrarë tre persona.
Mediat italiane bëjnë me dije se 83-vjeçari ka qëlluar për vdekje gruan, djalin e tij dhe dy të moshuar, pronarët e shtëpisë.
Viktimat janë gruaja e tij 79-vjeçare, djali i tij me aftësi të kufizuara 51 vjeç, Rosaria Valovatto dhe pronarët e shtëpisë Osvaldo Dighera, 74 vjeç dhe gruaja e tij Liliana Heidempergher, 70 vjeç.
Ka qenë vajza e pronarëve të shtëpisë ajo që ka dëgjuar të shtënat dhe më pas ka telefonuar prindërit, me të cilët nuk arriti të kontaktonte. Më pas ajo telefonoi policinë.
83-vjeçari kur pa policinë që mbërriti në vendngjarje ka qëlluar edhe veten dhe ndodhet në gjendje kritike për jetën.
Autoritetet italiane po punojnë për zbardhjen e plotë të rrethanave të ngjarjes.
