26-vjeçari Florian Tonuzi, i cili vrau me thikë vëllanë e tij gjatë ditës së djeshme është arrestuar nga Policia.
Burime bëjnë me dije se Tonuzi u arrestua pranë banesës së tij, ku vrau me thikë vëllanë 23-vjeçar Benardin, për arsye që nuk dihen ende.
Tonuzi përpara se të vriste vëllanë e tij, ka dhunuar dhe babain, dhe për këtë shkak konflikti në familje ka agravuar.
Kujtojmë se ngjarja e rëndë ka ndodhur në fshatin Allabegi të Maqellarës kur dy vëllezërit sapo ishin kthyer nga lokali i fshatit ku rrinin deri në orët e vona të naës. Tonuzi, akuzohet se ka qëlluar disa herë me thikë vëllanë e tij 23-vjeçar në oborrin e banesës, ndërkohë që skena është parë nga babai i tyre.
Tonuzi është larguar nga banesa menjëherë pas krimit. Sipas banorëve autori është person me probleme të shëndetit mendor dhe përdorues i lëndëve narkotike, dhe për këtë arsye nuk do të çojnë as fëmijët në shkollë pasi kanë frikë.
Lajmi në përditësim…
