Vlorë- Një anije peshkimi është përfshirë nga flakët pasditen e sotme. Mësohet se rreth orës 13:05, në Triport, Zvërnec, ka rënë zjarr në anijen në pronësi të shtetasit F. S.
Siç raporton policia në anije po kryheshin riparime ndërsa më pas ka marrë flakë.
Njoftimi i policisë:
Rreth orës 13:05, në Triport, Zvërnec, ka rënë zjarr dhe është djegur një mjet lundrues, anije peshkimi, e ankoruar, në pronësi të shtetasit F. S., në të cilën po kryeshin riparime. Si pasojë e zjarrit ka vetëm deme materiale.
Nga hetimet paraprake rezulton se mjeti ka marrë flakë aksidentalisht.
Vijon puna me grupin hetimor për sqarimin e plotë e rrethanave të ngjarjes
