Është ndarë nga jeta në moshën 59-vjeçare këngëtari dhe modeli i njohur, Nick Kamen.
Kanë qenë miqtë e artistit që kanë shkruar për vdekjen e tij, ndërsa nuk dihen ende shkaqet.
“R.I.P njeriut më të bukur dhe më të ëmbël”, shkroi miku i tij Boy George.
Nick Kamen, emri i vërtetë i të cilit është Ivor Neville Kamen, është i njohur më së shumti për hitin e tij “Every Time You Break My Heart” të shkruar nga Madonna në vitin 1986, dhe reklamën “Levis 501” të vitit 1985, ku u shfaq i zhveshur në një lavanderi.
Ai nisi karrierën si model në moshën 18-vjeçare në reklamën e “Levi”, ku edhe mori emrin “Nick”.
