Shpërthime të shumta në një shkollë në kryeqytetin e Afganistanit vranë të paktën 40 njerëz dhe plagosën dhjetëra të tjerë, kryesisht studente femra në një sulm që Presidenti Afgan Ashraf Ghani fajësoi kryengritjen e Talibanëve.
Studentet femra ishin duke dalë nga shkolla kur sulmi i tmerrshëm u mori jetën. Pamjet nga rrjeti televiziv në kryeqytetin Afgan të shtunën treguan skena kaotike jashtë shkollës, me libra dhe çanta shkollore të shpërndara nëpër rrugë të përgjakura, me banorët që nxitonin për të ndihmuar të plagosurit.
Kabul ka qenë në gatishmëri që nga prilli, kur qeveria amerikane njoftoi planet për tërheqjen e të gjithë trupave amerikane deri më 11 shtator. Zyrtarët afganë kanë dhënë alarmin që nga ajo kohë, duke argumentuar se talebanët kanë shtuar sulmet në të gjithë vendin. Asnjë grup nuk ka marrë përgjegjësinë për sulmin e ndodhur sot. Zëdhënësi i Talibanëve Zabihullah Mujahid mohoi që grupi ishte i përfshirë dhe dënoi incidentin.
